"യാചന"
=========
ഹിമാലയ മകുടം
ഉദ്ധരിച്ച പൌരുഷമാണ്
മഴ ഭൂമിയുടെ കണ്ണുനീരും,
ഭോഗ സായൂജ്യങ്ങളില്‍
ഹൃദയം കൊരുക്കും മുമ്പ്
ഭൂമി മാതാവിനോടൊരു
ഒരു യാചന ,..
അന്‍റ്റാര്‍ട്ടിക്ക
തണുത്തുറഞ്ഞ ഹൃദയവും,
അഗ്നിപര്‍വ്വത ലാവകള്‍
ആര്‍ത്തവ രക്തവും,..
നീരുറവകള്‍
മദജല വുമാണെങ്കില്‍
സോമാലിയയില്‍ നിന്ന്
നിന്‍റെ ഗര്‍ഭ മുഖമൊന്നു
മാറ്റി വയ്ക്കൂ
അല്ലെങ്കിലെന്‍റെ
കണ്ണും കാതും തിരികെ വാങ്ങൂ
"ഇന്ത്യയെ കണ്ടെത്തല്‍"
----------------
ബുദ്ധന്റെ ചിരിയും
ഗാന്ധിയുടെ സഹനവും
സായിവിന്റെ
ദാനവുമാണിന്ത്യയെന്നു നീ
സുഭാഷിന്റെ പൌരുഷവും
ഭാഗത് സിംഗിന്‍റെ ത്യാഗവും
ടാഗോറിന്റെ
സ്വപ്നവുമാണിന്ത്യയെന്നു ഞാന്‍
പത്രതാളുകളില്‍
ഉത്തരം
തിരഞ്ഞപ്പോഴോ ...?
കല്‍മാടിയും....സോണിയയും
കോമണ്‍ വെല്‍ത്തും .
ഐ പി എല്ലും
ഷീലാ ദീക്ഷിദുമാണത്രേ
നമ്മുടെ ഇന്ത്യ ,...
ഗാസയും...നാസയും
---------------
മാറാലകള്‍ക്കിടയില്‍
കാലമുപേക്ഷിച്ച
'ചെഗുവേര'യുടെ
ഫോസിലില്‍ നിന്നൊരു ...
ചുവന്ന
പുലരിയെ ...
ക്ലോണ്‍ ചെയ്തെടുത്തു
'നാസ' ചിരിക്കുമ്പോള്‍
വെയിലിന്‍റെ
കയ്യില്‍ തൂങ്ങി ....
നിഴല്‍ തേടി.....
വഴിതെറ്റിവന്നൊരു
വരണ്ട ദാഹം
കോളകുപ്പിയില്‍
നിറയുന്നത്‌ കണ്ടു
'ഗാസ' കരയുകയാണത്രേ,..
"നിഷേധിയുടെ പാട്ട്"
==========
അവശേഷിച്ചത്
ഇടനെഞ്ചിലൊരു മുഴ ,
അത് പ്രണയത്തിന്റെതെന്ന്
ശാസ്ത്ര പക്ഷം ,.
അനാഥത്വത്തിന്റെ
ഏച്ചുകെട്ടലാണെന്നു
പണ്ഡിത മതം ,..
ഒരു വേടന്‍റെ
അമ്പേറ്റൊടുവില്‍
പുലഭ്യം
പറഞ്ഞുറങ്ങിയിരുന്ന
ഇടനാഴികളിലെവിടെയെങ്കിലും
പിടഞ്ഞു..വീഴുമെന്നും.
പാറ തുറന്നു വന്നൊരു..
വലിയ..പ്രസാദകന്‍
നിന്‍റെ കവിതയെ..
മുഴുവനായി..
വിഴുങ്ങുമെന്നും..
ഞങ്ങള്‍ക്കറിയാമായിരുന്നു
===========
ഇപ്പോള്‍
ശീതീകരിച്ചൊരു
പെട്ടിക്കുള്ളില്‍
തണുത്തു
വിറങ്ങലിച്ചു
ശാന്തമായുറങ്ങുകയാണ്
തെരുവിന്റെ
സ്വന്തം കവിത
Subscribe to:
Posts (Atom)
Popular Posts
-
"ഉള്ളി" _______ മാംസത്തിലേക്ക് കത്തിയാഴ്ത്തും മുന്‍പ് നഖമുനകള്‍ കൊണ്ട് പുറം തൊലി പൊളിച്ചു കളയണം മിഴിയിണകള്‍ രണ്ടു... -
നിലവറ ഒന്ന് ( എ ) ------------------- എ - അമേരിക്കയെന്നും അമേരിക്കദൈവവും , നീതിയും , ഞാന്‍ അടിമയുമാണെന്നും പുലമ്പി കൊണ്ട് എന്റെ നാവരിഞ... -
"പൂവന്‍ കോഴി" _______________ ഞങ്ങളുടെ പൂവന്‍ എന്നും അതിരാവിലെ ഉച്ചത്തില്‍ കൂകി അമ്മയെ ഉണര്‍ത്തും,.. ഞാനും അനുജത്... -
"സുനാമികളുണ്ടാകുന്നത് " ------------------------ ഭൌമ പാളികളുടെ ഘര്‍ഷണഘോഷങ്ങള്‍ അതിരുകള്‍ ഭേദിച്ചലറുമ്പോള്‍ ഭൂമി ഇടക്ക... -
"മോര്‍ച്ചറി " ____________ മൃത ശരീരങ്ങള്‍ പ്രണയിക്കാറില്ല ചുംബനത്തിനായി കൊതിക്കാറുമില്ല തുളവീണതോണിയിലേറി പങ്കായമില്ലാതെ ... -
'കറുപ്പ് ' ________ ആത്മദാഹങ്ങളുടെ ഇരുള്‍ തുരുത്തില്‍ ആശയറ്റടിഞ്ഞൊരു അനാഥ സ്വപനം പിതൃ: ബന്ധനത്തിന്റെ വാത്സല്യ സ്മൃതികളില്‍ ഉറങ്ങി ഉണ... -
"മരണം" ______ ഒരുനാള്‍ ... ഉണര്‍വ്വിന്റെ ഊര്‍ജ്ജങ്ങള്‍ അടര്‍ന്നു വീഴും ....... നിറം മങ്ങി ... മിഴികള്‍കൂമ്പി .... -
"നഷ്ട്ടങ്ങള്‍ " = =========== നഷ്ട്ടപ്പെടുകയാണ് ഞെട്ടി ഉണരുമ്പോള്‍ ഹൃദയത്തില്‍ ചേര്‍ത്തു വച്ചൊരു സ്വപ്നത്തെ തിരിച്ചറിവുകള... -
നീയെന്തിനെന്നില്‍ പ്രണയം നിറച്ചു കാലമേ കരുണാര്‍ദ്ര ഭാവമേ പറയുക ..! ഹൃദയം സ്ഫുടം ചെയ്ത കദന ഭാരങ്ങളില്‍ കനവുണ്ട നിദ്രയുടെ അന്ത്യയാ... -
---------------- ബുദ്ധന്റെ ചിരിയും ഗാന്ധിയുടെ സഹനവും സായിവിന്റെ ദാനവുമാണിന്ത്യയെന്നു നീ സുഭാഷിന്റെ പൌരുഷവും ഭാഗത് സിംഗിന്‍റെ ത...
Posts
